Markmiðið er að bregðast við skorti á heilbrigðismáltækni fyrir smærri tungumál eins og íslensku, m.a. með því að þróa veflausn sem er sniðin að þörfum talmeinafræðinga og nýtir afurðir af öllum sviðum máltækniáætlunar stjórnvalda til að greina málsýni sjálfvirkt.
Við tókum þátt í Snjallræði 2024, fengum styrk úr Skerfi í byrjun árs 2025 og stofnuðum í kjölfarið sprotafyrirtækið Vit – Heilbrigðismáltækni sem hlaut styrk úr Tækniþróunarsjóði haustið 2025. Upphaflega varð teymið til innan verkefnisins Klínísk málsýnagreining og nú kemur það að stofnun Íslenska málsýnabankans sem hlaut styrk úr Markáætlun í tungu og tækni 2025. Í Íslenska málsýnabankanum nýtist veflausnin ALDA í að safna þeim gögnum sem nauðsynleg eru til að íslenskt málsamfélag dragist ekki aftur úr í aðgengi að heilbrigðismáltækni.